MERI KAHANI MERI ZUBANI CH-9

REAL LIFE STORY

Ch-9

My Father comes to Kolkata

Chapter-8 to apne padh hi liya hoga chaliye ab aage ki kahani ki aur badte hain mere dost ka phone aaya aur who bola yaar ek bahut achi company se interview ka offer aaya hain to tu thori dua kar de ki lag jaye kafi achi salary hain to thori dua kar de yar maine kaha thik hain teri job lag jayegi aur main jab namaz padhne gaya to dua kar di aur uski job lag gayi

Wo bahut khush hua au raise hi zindagi kat rahi thi lekin zyada dino tak nahi katne wali thi phir ek din mere dukan ka malik aaya aur bolne laga hum ye dukan bech rahe hain tum kharido ge maine kaha itne paise mere pass kaha hain to usne kaha thik hain contracact ke baad dusri dukan dekh lena q ki jo dukan lega wo esko todne wala hain mano mere to pairo ke neeche se zameen nikal gayi ki ab main kya karunga main kafi tension mein aa gaya aur mujhe gussa bhi aa raha tha ki itne dino se main dukan setup kar raha hu ab jab dukan setup ho gaya to mujhe dukan chorna padega ye kaisa mazak hain lekin kar bhi kya sakte the fir pass main hi mere ek jaane wale ki dukan khali thi to main waha shift ho gaya lekin wo dukan thik nahi thi bahut choti thi aur leval mein nahi thi kafi problem hone lagi lekin kya kar sakte the usi main guzara kar na padh raha tha

Idhar ek musibat se nikla nahi tha ki dusri musibat aa gayi papa ghar aa gaye unki delhi ki office band ho gayi thi mera to dimag hi kam nahi kar raha tha ki wo mera ek support system the lekin ab wo bhi ghar par baith gaye ab main kya karunga lekin bas uparwale par viswas tha to bas kaam karte gaye aur papa ko apne hi dukan mein pakode ki dukan khol di jis se unka time pass bhi ho jata aur papa pure time mere pass hi rehte the ek din gas jalate waqt pipe ne aag pakad liya tha par maine kaise bhi karke jaldi se usme pani dalkar usko bujha diya bujha to diya tha par man main ek dar baith gaya ki kabhi main nahi raha aur aag lag gayi to problem ho jayegi par abhi kya kar sakte the are ek baat to main apko batana bhul gaya ki main ek networking company join kiya tha socha tha ki kuch kar lunga isliye udhari karke bhi maine joining ki

lekin kuch khas nahi ho paya ya main kar nahi paya aur wo bhi maine chore di kyun ki jaha main rehta hu waha ka mahol aisa hai ki unko success ya tarakki se koi matlab unhe bas khana hain aur ghumna hain aadhe se jyada log to bahar jakar kaam kar rahe hain aur ladkiyon ki kam umar mein shadi kar rahe hain pata nahi ye mahol kab badlega meri behan bhi ab shadi layak ho gayi thi to uske liye rista dekh rahe the ek din ek aurat aayi aur meri maa se boli apni beti ki shadi karogi kya mummy ne kaha ha karni to hain koi acha ladka hain boli ha main riste karwati hu to main ek acha sa ladka dhund dungi agar tum razi ho to mummy ne kaha ha dhundo agar acha hua to kar denge

Shadi aur fir wo ladka dekhne lag gayi ek din usne phone kiya ki ek ladka aa raha hain humne kaha theek hain aur hum sab khane peen eke jugad mein lag gaye fir sham ko 10 logo ke karib aaye lekin ladka nahi aaya tha kuch ladkiya aur kuch ladke aaye the to wo sab baithe aur khana peena hua ab meri behen ko bulaya gaya aur unhone dekha unhe pasand aayi meri behan aur fir who chale gaye aur fir jo rista karwati hain usne kaha ki unhe to apki beti pasand hai ab aap ladke ko dekh aao aur ghar baar bhi dekh lo agar pasand aaye to baat aage badhayi jaye mummy ne kaha thik hain aur fir mere yaha se meri chichi aur bhi 2-3 log ladke ka ghar baar dekhne gaye par unhe kuch khaas pasand nahi aaya aur unhone aakar ghar par bola ki waha rista nahi karenge jagah achi nahi hain aur ladke ke kaam ke bare mein bhi jhuth bol rahe hain isliye hamne wo rista cancel kar diya fir kuch din beetein aur fir rista karwane wali ka phone aaya ki kalipur namak jagah hamare yaha par hain waha se ek rista aaya hain to humne chacha ko bataya chacha ne mana kar diya ki nahi waha jagah acha nahi hain par wo to peeche padhi thi ki ek baar dekh lo to humne kaha theek hain

ladke ko aane ke liye bolo yehi dekhenge agar pasand aaya to dekhte hain aur phir ladka aur uski behhen aur uske jija aur bhi 2-3 log aaye the un sabko mere chacha ke ghar par hi baithaya tha q ki hamara ghar utna acha nahi tha to isliye hamne wahi baithana theek samjha aur phir se meri behen tayaar hokar baithi aur inko bhi bahut pasand aayi aur behen ko bhi ladka pasand tha phir wo log chale gaye aur sabne kaha ki ladka acha hain dekhne mein to fir humne bhi ek date nikali ladka dekhne ke liye jisme mera chacha mere bhaiya papa aur main sab gaye the dekhne jagah thori seher type thi to mujhe pasand aayi aur ladka apne ghar ka eklota tha aur zameen bhi kafi thi to mujhe laga ki thik hain yaha pe behen ka mann lagega aur hum sab ghar par aa gaye aur humne ghar par bola ki hamein pasand hain baat aage badayi jaye aur unhe phone karke bataya ki hamein pasand hain to bole theek hain hum baat pakki karne aayenge

Aur woh karib 16-17 log aaye phir kya khana peena hua aur phir baat cheet shuru hui to unhone kaha ki humein 3-4 mahine ka time chahiye hum 3-4 mahino ke baad hi shadi kar payenge humne kaha ki itna samay q unhone kaha ki itna time to lagega to fir humne kaha thik hai to registry kar lete hain phir 3-4 mahine ke baad shadi kar lenge to who pehle nahi man rahe the ki hum aisa kaise kar sakte hain par humne kaha registry to karni padegi warna hum 3-4 mahine kis bharose baithenge to fir kafi behas ke baad final hua ki registry aaj hi hogi aur ladke ko bulaya gaya

Aur raaato raat registry hogi kisi ko pata bhi nahi tha ki itni jaldi registry ho jayegi aur shadi ki ek date fix hui jo durga puja ke time nikli thi to fir kya ab hum shadi ka intezar karne lage lekin itna simple nahi tha shadi mein bahut kharcha hota hain aur hamare pass to kuch bhi nahi tha bas hum yehi soch rahe the ki itna paisa kaha se aayega par kehte hain na uparwala ye sab pehle soch kar baitha tha viswas to tha ki har musibat se upar wale ne nikala hain to es se bhi nikal dega lekin sawal ye tha ki kaise hum kafi tension mein the aaj ke liye bas itna hi milte hain nesxt chapter mein

REAL LIFE STORY

PART-2

CHAPTER-01

LINK-https://afsarsk786.blogspot.com/2021/05/meri-kahani-meri-zubani-part-2.html

CHAPTER-02

LINK-https://afsarsk786.blogspot.com/2021/05/meri-kahani-meri-zubani-part-2-ch-02.html

CHAPTER-03

LINK-https://afsarsk786.blogspot.com/2021/05/meri-kahani-meri-zubani-part-2-ch-3.html

CHAPTER-04

LINK-https://afsarsk786.blogspot.com/2021/05/meri-kahani-meri-zubani-part-2-ch-4.html

CHAPTER-05

LINK-https://afsarsk786.blogspot.com/2021/05/real-life-stroy-part-2-chapter-05-hi.html

CHAPTER-06

LINK-https://afsarsk786.blogspot.com/2021/05/meri-kahani-meri-zubani-part-2-ch-06.html

CHAPTER-07

LINK-https://afsarsk786.blogspot.com/2021/05/meri-kahani-meri-zubani-part-2-ch-7.html

CHAPTER-08

LINK-https://afsarsk786.blogspot.com/2021/06/meri-kahani-meri-zubani-part-2-ch-8.html

CHAPTER-09

LINK-https://afsarsk786.blogspot.com/2021/08/real-life-story-ch-9-sister-wedding.html

EARN MONEY BY AFSAR

Search This Blog

TITLI KI RAAZ